თანდაყოლილი მანკიერება

მოქმედება 1970 წელს, ლოს-ანჯელესში ვითარდება. პერიოდში, როდესაც ჰიპების ერა ერთგვარ დასასრულს უახლოვდება და მის სანაცვლოდ ამერიკაში ბევრად უფრო ცინიკური ხანა მკვიდვრდება. ფილმის მთვარი პერსონაჟი, კერძო დეტექტივი დოქ სპორტელო სწორედ ამ წარმავალი ჰიპების ეპოქის წარმომადგენელია, იგი არატრადიციული დეტექტივია: ბევრს ეწევა, სოციალურად საკმაოდ პასიურია, მაგრამ ამავე დროს შესანიშნავი დეტექტივი და უბრალოდ კარგი ადამიანია. სწორედ ამიტომ მასთან ერთ დღესაც დიდი ხნის გაუჩინარების შემდეგ მისი ძველი შეყვარებული მოდის თხოვნით, რომ საკმაოდ ჩახლართული საქმის გამოძიებაში დაეხმაროს. აი ამ მომენტიდან იწყება დოქ სპორტელოს თავბრუდამხვევი მოგზაურობა სიხარბის, ველური კაპიტალიზმის და ნიქსონის პერიოდის ამერიკისათვის დამახასიათებელ ერთგვარ იუმორ ნარევ პარანოიაში, საიდანაც ის უნდა უვნებელი გამოვიდეს და თან რაციონალური სურათი ჩამოაყალიბოს იმისი თუ რა და რატომ მოხდა.…