მცველი
სპეციალური აგენტი პიტ ჰარნისონი დარწმუნებულია, რომ თეთრ სახლში არის მოღალატე. მისი თეორია დადასტურებულია პრეზიდენტის ერთ-ერთი დაცვის მკვლელობის შემდეგ. თუმცა, ეჭვი თავად ჰარისონზე მოდის
ქუჩის ძაღლები
ამბობენ, რომ ძაღლი – ადამიანის საუკეთესო მეგობარია, მაგრამ რა მოხდება, თუ ადამიანი – სრული ნაძირალაა? ამ შემთხვევაში, შეიძლება, ძაღლის შურისძიების დრო დადგეს. როდესაც გულუბრყვილო და საშინლად ოპტიმისტ ბორდერ-ტერიერს, სახელად რეჯის, თავისი არამზადა პატრონი დაგი მიატოვებს ქალაქის ქუჩებში, რეჯი დარწმუნებულია, რომ მისი საყვარელი პარტონი არასოდეს მიატოვებდა მას განზრახ. მაგრამ როგორც კი რეჯი ხვდება მოლაყბე და უხამს მაწამნალა ბოსტონ-ტერიერს, ბაგს, რომელსაც უყვარს თავისი თავისუფლება და თვლის, რომ პატრონები გოიმებისთვისაა, რეჯი საბოლოოდ ხვდება, რომ მას ტოქსიკური ურთიერთობა ჰქონდა და რწმუნდება, რომ დაგი უგულო ნაბიჭვარია. შედეგად, შურისძიების გადაწყვეტილებით, მთავარი გმირი, ბაგი და ბაგის მეგობარი ჭკვიანი ავსტრალიელი ნაგაზი მეგი შეამუშავებენ გეგმას, რომლებიც იწყებენ ეპიკურ თავგადასავალს, რათა დაეხმარონ რეჯის სახლისკენ მიმავალ გზაზე… და დაგს აიძულონ პასუხი აგოს ერთ ადგილზე კბენით, რომელიც მას ყველაზე მეტად უყვარს.
დაურეკე ჯეინს
მოვლენები 1968 წელს ჩიკაგოში ვითარდება, სადაც სანამ ქალაქი და ქვეყანა ძალადობრივი პოლიტიკური აჯანყების ზღვარზეა, ქალაქგარეთ მცხოვრები დიასახლისი ჯოი თავის ქმართან და ქალიშვილთან ერთად ნორმალურ ცხოვრებას ეწევა. ჯოი რთულ მდგომარეობაში აღმოჩნდება – ის დაორსულდა, თუმცა ამას მის ჯანმრთელობაზე სავალალო შედეგები მოჰაქვს. შედეგად, ის სამედიცინო დახმარების მიღებას ცდილობს, მაგრამ სახელმწიფო საავადმყოფოები მას უარს ეუბნებიან, რადგან ქვეყანაში აბორტი უკანონოა. ამ სიტუაციიდან გამოსავლის ძიებაში მთავარი გმირი არალეგალურ ფემინისტურ ორგანიზაციას აღმოაჩენს, რომელიც ფარულად ეხმარება ქალებს უსაფრთხო აბორტების ხელმისაწვდომობით და ამ პროცესში მის ცხოვრებას ცვლიან.
თითქმის
58 წლის ლუი ქალაქ ლოზანაში დამკრძალავი ბიუროს დირექტორია, რომელიც სრულყოფილად ერთგულია თავისი პროფესიის მიმართ და ვერ ახერხებს პენსიაზე გასვლას. იგორი 40 წლისაა, მას აქვს ცერებრალური დამბლა და ფიზიკურად შეზღუდული შესაძლებლობის მიუხედვად, ძალიან გონიერია. ქირა რომ გადაიხადოს, იგორი თავის სამთვალა ველოსიპედით ეკოლოგიურად სუფთა ბოსტნეულის მიმწოდებით არის დაკავებული, ხოლო დანარჩენ დროს ფილოსოფოსების წიგნების კითხვაში ატარებს. მაგრამ ყველაფერი შეიცვლება, როდესაც შემთხვევით, ლუისა და იგორის გზები გადაიკვეთება, სადაც ახირებული ლუი გადაწყვეტს იგორი თან წაიყვანოს. ისინი კატაფალკით მიდიან, რათა მოხუცი ქალი გადაასვენონ სამხრეთ საფრანგეთში.
ლიფტი
ტერორისტული თავდასხმის თავიდან ასაცილებლად, FBI-ი ახალგაზრდა მამაკაცს და გამოცდილ ავანტიურისტს, საირუს უიტეკერის (კევინ ჰარტი) და მის საერთაშორისო მძარცველების გუნდს სთავაზობს ნახევარი მილიარდი დოლარის ღირებულების ოქროს ზოდების ძარცვის გარიგებას. სანაცვლოდ FBI-ი მათ აღარ ჩასვას ციხეში. თუმცა, ოქრო, რომელიც ტერორისტული უჯრედისკენ მიემართება, ლონდონიდან ციურიხში მიმავალ ბოინგ 777-ის ტიპის თვითმფრინავშია. ახლა ისტორიაში ყველაზე გიჟური ძარცვა უნდა მოხდეს 10,000 მეტრის სიმაღლეზე და თვითმფრინავიდან ხმელეთზე დაშვებისთვის მოკლე დროში…
მსოფლიოს მაღაზიის ქურდები
მოვლენები 1987 წელს დენვერში ვითარდება და ოთხი ახალაგაზრდა მეგობრის შესახებ მოგვითხრობს, რომლებიც საკულტო ბრიტანული როკ-ჯგუფის The Smiths-ის მოულოდნელი დაშლით შოკირებულები, წვეულებაზე მიდიან, რათა მათი მუსიკალური დანაკარგი იგლოვონ. ამავე დროს, The Smiths-ის ერთ-ერთი იარაღით შეარეღებული ფიცხი გულშემატკივარი ადგილობრივ რადიო დიჯეის მძევლად აიყვანს და მას მხოლოდ The Smiths-ის ტრეკების დაკვრას აიძულებს. შედეგად, წვეულების დროს რადიოში გაჟღერებული მუსიკის ფონზე მეგობრები თვითშემეცნების გიჟურ მოგზაურობაში მიდიან, რომელიც მათ სამუდამოდ შეცვლის.
ლურჯი ბეკი
სანამ საზღვაო ბიოლოგი ები გემზე იმყოფება, რომელიც ავსტრალიის მარჯნის რიფების ნელ შლას შეისწავლის, მას ურეკავენ და ეუბნებიან, რომ დედამისმა გადაიტანა ინსულტი, რის გამოც მას არ შეუძლია ლაპარაკი. ები იწყებს თავისი ბავშვობის და იმ უზარმაზარი გავლენის შესახებ ფიქრს, რომელიც დედამ მოახდინა გოგონას მსოფლმხედველობაზე. მოგონებებში ჩვენ ვხვდებით თინეიჯერ ების, რომელიც თავდაჯერებულობასა და ცნობისმოყვარეობას ავლენს და ღრმად არის დაინტერესებული იმ ყურის დასაცავად, სადაც ისინი ცხოვრობენ. ადგილობრივ მეთევზესთან მხიარულ შეხვედრებს შორის, ის აგრძელებს კონტაქტს ლურჯ თევზთან, რომელსაც სიყვარულით ეძახის “ბლუბეკს”, რომელიც ხდება ოკეანის ყველა საოცრების შეხსენების მიზეზი და გზა ებისა და დედამისს შორის უფსკრულის გადასალახად.
არგაილი
ელი კონუეის ამავე სახელწოდების რომანზე დაფუძნებული ექშენ-თრილერი, ამნეზიით დაავადებული მსოფლიო დონის ჯაშუშის, არგაილის (ჰენრი კავილი) შესახებ, რომელსაც აიძულებენ დაიჯეროს, რომ ის ბეტსელერი ჯაშუშური რომანების ავტორია. მაგრამ ყველაფერი თავდაყირა დადგება მას შემდეგ, რაც მთავარ გმირს თავისი მოგონებები და სასიკვდილო უნარები დაუბრუნდება, რის შედეგადაც განრისხებული ერგილი შურისძიების გზას ადგება ჩრდილოვანი, ორგანიზაციის, ე.წ. “დივიზიის” წინააღმდეგ, სადაც იგი მუშაობდა ადრე…